Обвинетиот Зоран Заев денеска, по кој знае кој пат, повторно го избриша подот со македонските судови, поигрувајќи си со законите и со Уставот, обвини пратеникот на ВМРО-ДПМНЕ, Зоран Илиоски.
– Обвинетиот Зоран Заев денеска повторно успеа да избега и да го одложи судењето во кое требаше да се појави како обвинет за земање поткуп од 100.000 евра, кои требало да бидат исплатени во менувачницата на Вицето. Обвинетиот Зоран Заев и денеска продолжи да ја лаже и да ја манипулира јавноста, обидувајќи се да објасни дека е нормарлно и законски да се бараат по 100.000 евра за Вицето и по 100.000 евра за црквата – изјави Илиоски.
Пратеникот Илиоски рече дека нема граѓанин во Македонија кој може да си дозволи вакво однесување како обвинетиот Зоран Заев.
– Се наметнува прашањето зошто Зоран Заев е попривилегиран од сите други во земјава? Кој му дал право на обвинетиот Зоран Заев да ги гази институциите во Македонија. ВМРО-ДПМНЕ го осудува ваквото однесување на Зоран Заев и бара институциите да имаат ист третман кон него како и кон сите други граѓани на Република Македонија – рече Илиоски.