Пожарот што избувна во поранешната фабрика за мебел „Треска“ е изгаснат и нема повредени лица. Командирот на Скопската противпожарна бригада изјави дека пожарникарите работат на расчистување на теренот и отстранување на можни остатоци за да не се обнови огнот.
„Не можам да кажам дали е подметнат пожарот, тоа ќе го утврдат надлежните органи. Важно е дека спречивме ширење на пожарот. Има во кругот на фабриката многу иверици, остатоци од мебел, лепила и други материјали кои се лесно запалливи“, рече командирот.
На гаснењето на пожарот попладнево работела целата противпожарна бригада, со вкупно 55 пожарникари во текот на два часа за да го локализираат и изгаснат пожарот.
На лице место излегоа и скопската градоначалничка Данела Арсовска и градоначалникот на општина Центар, Горан Герасимовски, кои потврдија дека нема повредени лица во пожарот.
Гори поранешната фабрика „Треска“, голем облак чад се издигна над Скопје [Галерија]