Средношколци, студенти и основачи/вработени во стартапи имаат можност до 1 септември да се пријават на отворениот повик за млади за учество на хакатонот Green Solutions, кој ќе се одржи на 15 и 16 септември 2023 години во Тетово. Хакатонот е организиран од SEEUTechPark и Институт Либерална Алтернатива (LAI) со поддршка на Deutsche Gesellschaft für Internationale Zusammenarbeit GmbH (GIZ) под покровителство на германската соработка, SENECA Green, и Активноста на УСАИД за млади кои активно создаваат можности.
„Целта на хакатонот е да им се овозможи на младите да стекнат нови вештини преку менторски сесии и работилници и да разменат искуства од областа на одржливи, иновативни и зелени деловни решенија. Дополнително, преку хакатонот ќе им се обезбедат можности на младите за добивање средства за реализација на нивната ‘зелена идеја’“, информираат организаторите на хакатонот.
Првопласираната екипа на хакатонот ќе добие награда од 30.000 денари. Воедно, највисоко рангираните 3 тима ќе учествуваат на следното Инвестициско Рандеву за зелени решенија со потенцијални финансиери во земјата и регионот организирано од GIZ.
Највисоко рангираните тимови на хакатонот ќе добијат можност да учествуваат на специјализирана обука за: 1] Одржливо корпоративно работење и 2] Изработка на Бизнис План организирана во соработка со ProCredit Банка.
Воедно, највисоко рангираните тимови ќе бидат повикани на Master Class – From Idea to Startup и Workshop on Idea Screening со основачот на Networker, Сања Митровска.
Уште една можност за највисоко рангираните тимови е тоа што ќе добијат покана да учествуваат на повикот на 700 Accelerator и ќе добијат шанса да добијат инвестиција до 40.000 евра.
Воедно, средношколците кои ќе учествуваат на Green Solutions Hackathon ќе бидат поканети да земат активно учество на специјализираната едукативна работилница за зелени бизнис модели организирана од НВО Институт Либерална Алтернатива (LAI) .
Сите заинтересирани млади може да се пријават за учество на хакатонот преку следниов линк на македонски јазик: https://techpark.seeu.edu.mk/
