Повеќе од 4.000 мигранти се спасени покрај италијанскиот брег за време на викендот во повеќе координирани операции на италијанската морнарица и на крајбрежната стража.
Од петокот до неделата спасени се повеќе од 3.000 луѓе во 28 операции, соопшти денеска командантот на крајбрежната служба, адмирал Винчензо Мелоне.
Денеска 931 мигрант се префрлени од норвешки трговски брод во Палермо, Сицилија. Овие мигранти беа спасени во текот на викендот крај либискиот брег во рамки на операциите со кои управува европската агенција за контрола на надворешните граници – Фронтекс.
Најголемиот дел од мигрантите се од Ирак и од Сирија, но има и од Мароко, Тунис и од Египет.
На италијанскиот брег пристигнале повеќе од 320.000 мигранти во текот на последните две години.
