Во Прилеп денеска беа поставени темелите на германската фирма „Акомпласт“, компанија поврзана со најновата технологија во производство на делови за автомобили.
Со оваа фабрика, во која ќе бидат вработени околу 250 лица, се очекува да заживее и целата локална економија, како и фирмите од градот што ќе соработуваат со неа.
Вработените ќе бидат високообразовани кадри од техничките науки, кои ќе имаат и обука во Германија.
На свеченоста присуствуваа премиерот Никола Груевски, министерот за странски инвестиции Бил Павлески, пратеници во Собранието, претставници на германската фирма и градоначалникот Марјан Ристески.