Поранешниот прв човек на американската Централна разузнавачка агенција, генералот Дејвид Петреус, призна дека ѝ оддал државни тајни на својата љубовница и биографка, Паула Бродвел, соопшти Министерството за правда на САД.
Петрус на Бродвел ѝ открил тајни податоци поврзани со нападите на американскиот конзулат во Бенгази, Либија, извршен во 2012 година.
Адвокатите на Петреус засега не ја коментираат одлуката на својот клиент, кој со постигнатата спогодба со обвинителство би можел да добие најмногу една година затвор, парична казна од 100.000 долари и условна казна од пет години.