Утре со почеток во 16.30 часот, во организација на Атлетска федерација на РСМ, ќе се одржи атлетска трка и поради тоа ќе има посебен режим на сообраќај, информира Министерството за внатрешни работи.
„Трасата започнува од Порта Македонија, плоштад Македонија, ул. „Никола Вапцаров“, десно по ул. „Димитрие Чуповски“ до крстосница со ул. „Даме Груев“ каде се врти полукружно назад по ул. „Димитрие Чуповски“, десно по ул. „11-ти Октомври“ до крстосница со бул. „Кочо Рацин“, каде се врти полукружно и се движат назад по ул. „11-ти Октомври“, десно по ул. „Филип Втори Македонски“, лево по пристапната улица на ГТЦ и десно до целта кај Порта Македонија“, информира МВР.
Од тие причини, велат во МВР, СВР Скопје ќе преземе мерки за посебен режим на сообраќајот по сообраќајниците на поширокото централно подрачје на Скопје.
„МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот“, се додава во соопштението.
