Министерството за внатрешни работи информира дека во текот на изминатото деноноќие регистрирани се вкупно 59 лица што не ја почитувале забраната за движење, при што приведени се 32 лица, додека за останатите граѓани се земени податоци и за нив ќе следуваат соодветни мерки.
По однос на мерката за неносење лична заштита на лице регистрирани се 255 прекршоци, а четири лица не ја почитувале мерката за изолација и самоизолација, велат од МВР.
Во изминативе 24 часа на 141 лице им се издадени решенија за изолација, а 14 потпишале изјави за самоизолација.
