Битолскиот универзитет „Свети Климент Охридски“ избира нов ректор. Вчера официјално почна постапката за избор на наследник на актуелниот ректор Златко Жоглев.
– Ректорската управа и Универзитетскиот сенат одржаа редовни седници. Една од точките на дневниот ред беше отворање постапка за избор на ректор на УКЛО. Според актите и усвоениот роковник за активности за избор на ректор, постапката треба да заврши до крајот на мај 2015 година – стои во информацијата од службата за односи со јавноста на Ректоратот во Битола.
Ректорот Златко Жоглев беше во два мандата прв човек на Универзитетот. Тој минатата недела беше спомнат и во „бомбата“ на опозицијата што се однесуваше на Битола.
А.Б.
