Андреј Пленковиќ, премиерот на Хрватска, во изјава за МИА вели дека Хрватска ќе направи сѐ што може за да и помогне на Северна Македонија да добие датум за преговори во јуни, јави дописничката на МИА од Брисел.

Пленковиќ, кој вчера попладне беше во посета на Брисел, и чија земја го презема кормилото со ЕУ од идната година, потсети дека проширувањето ќе биде високо на агендата на неговата земја.

На прашање на МИА дали на следниот Совет на министри во јуни неговата земја ќе се обиде да ги убеди останатите земји кои сѐ уште имаат резерва за почетокот на преговорите, тој рече дека Хрватска многу добро разбира дека чекор напред е важен.

– Сите наши пријатели во она што е сега Северна Македонија, се многу свесни колку го поддржуваме нивниот европски пат – рече Пленковиќ.