Најмалку 54 лица загинаа, а 15 се водат за исчезнати откако рибарски брод синоќа потона на западот на Тихиот Океан, во близина на Камчатка, јавуваат светските медиуми, повикувајќи се на полициски извори кои раководат со спасувачката акција.
Според првичните информации, бродот потонал откако удрил во санта мраз.
На рибарскиот брод-ладилник „Далниј Восток“ се наоѓале 132 луѓе, од кои 63 се спасени од смрзнување во океанот, чии води се со температура близу нулата.
На бродот се наоѓале 78 руски државјани и 54 странци од Мјанмар, Украина, Литванија и од Вануату.
