Францускиот министер за надворешни работи, Жан Марк Еро, изјави дека сака да има увид во текстот на договорот за прекин на огнот во Сирија, што го договорија САД и Русија.
Тој го побара документот за да се увери дека на терен нема да има недоразбирања кој е на мета.
– Ако постојат недоразбирања, тогаш постои и опасност дека на мета може да се најде и умерената опозицијата – изјави Еро.
Тој истакна дека во еден момент било побарано Франција да го поддржи овој договор, па затоа бараат увид во сите детали.
Франција, која е член на коалицијата што ја предводи САД во борбата против Исламска држава, е клучен сојузник на бунтовниците кои сакаат промена на претседателот Башар ал Асад и претходно изрази загриженост околу тоа како САД преговара со Русија.
