Провинцискиот министер на пакистанската провинција Панџаб загина во експлозија во својата куќа, а покрај него настрадале уште девет лица.
– Во нападот е убиен министерот Шуја Ханзада – навеле локалните власти на градот Шади Кан, околу 70 километри од Исламабад.
Во куќата на министерот за време на ескплозијата се одржувал состанок, а на учесниците им се срушил кровот.
Полицијата претпоставува дека експолозијата била самоубиствен напад.
– Присутни биле помеѓу 20 и 30 луѓе кога се случила експлозијата при што се срушил покривот на куќата – потврдил официрот за информации, Шазад Нијаз, и додал дека 10 лица биле ранети во нападот.
Помеѓу загинатите има уште двајца локални фукнционери на Панџаб, која е најголемата провинција во Пакистан со околу 80 милиони жители.
„Танјуг“ тврди дека талибанската екстремистичка група Лашкар-е-Ислам ја преземала одговорноста за нападот и навела дека тоа е одмазада за воените операции против нив.