Ослободени се 18 турски работници кои се киднапирани во Багдад, главниот град на Ирак, јавуваат турските медиуми.
Работниците се ослободени во Басра и патуваат кон Багдад, се наведува во извештајот. Засега нема детали за околностите под кои се пуштени на слобода.
Работниците на градежната компанија „Нурол инсат“ беа киднапирани на градилиште во багдадскиот округ Садр Сири на 2 септември годинава. Еден Ирачанец беше киднапиран заедно со Турците.
Групата што го извршила киднапирањето бараше Турција да го спречи влегувањето на милитанти во Ирак, да ја прекине „опсадата“ на шиитските градови во Сирија, како и да се запре протекот на нафра од курдскиот регион на северот на Ирак кон територијата на Турција.