Денеска, во гратчето Шенген во Луксембруг, највисоките претставници на Европската унија (ЕУ) ја одбележаат 30-годишнината од потпишувањето на дговорот со кој беа укинати граничните контроли меѓу 26 од 28 членки на унијата.
„Шенгенскиот договор ја измени историјата на целиот европски континент“, рекол во својот говор претседателот на Европскиот парламент, Мартин Шулц, пренесуваат медиумите, споредувајќи го значењето на договорот со падот на Берлинскиот ѕид.
Тој, воспоставената Шенген-зона ја нарекол почеток на процесот на бришење на политичките, социјалните и на културните бариери во ЕУ.
На собирот, говор одржал и претседателот на Европската комисија и поранешен премиер на Луксембруг, Жан-Клод Јункер, по што свечено била откриена скулптура во форма на три столба со ѕвездички, кои ги симболизираат членките на ЕУ.
Шенгенскиот договор е потпишан на 14 јуни 1985 година, од десет членки на тогашната Европска економска заедница, а на кој подоцна му се приклучија и три земји кои не се членки на ЕУ: Швајцарија, Норвешка и Исланд.
Велика Британија и Ирска се единствените две земји кои не ѝ пристапија на Шенген-зоната.
