Времето денеска во Македонија ќе биде облачно и релативно студено, со повремени врнежи од дожд, кои на повеќе места ќе бидат обилни, особено во југоисточните делови каде се очекува да наврнат и над 50 литри на квадратен метар.
Утринската температура се движи од 7 до 15 Целзиусови степени, а максималната дневна ќе достигне од 11 до 18 степени.
Во Скопје се очекува слично време, облачно со врнежи од дожд. Максималната дневна температура во главниот град ќе се искачи до 17 Целзиусови степени.
