Поплави повторно го погодија американскиот Среден Запад, каде за една недела настрадаа 20 лица.
Во некои региони водата почнала да се повлекува, но во други делови нивото на водата и понатаму е загрижувачко.
– Наредив мобилизација на припадниците на националната гарда на Илиноис за да помогнат со поплавите и во спасувањето на луѓето – соопшти гувернерот на Илиноис, Брус Ројнер.
Водата се повлекува од државите Мисури и Илиноис, што овозможило отворање пристап до некои патишта. Нивото на водата, меѓутоа, и понатаму е загрижувачко во Мисисипи.
Поплавите во САД почнаа минатиот викенд, а беа предизвикани од обилни дождови.
Во државата Илиноис е прогласена вонредна состојба.