Најмалку 30 лица загинаа во два напади на исламистичката група Ал шабаб во сомалискиот град Баидоа.
– Бројот на жртви се зголеми на 30 и сите се цивили, а 61 лице е повредено од кои 15 тешко – изјавил регионалниот гувернер Абдурашид Абдулахи.
Милитантите од Ал шабаб на прометна крстосница во Баидоа активирале автомобил-бомба, додека мета на вториот напад бил ресторан.
Ал шабаб често врши бомбашки напади во претстолнината Могадишу и во други сомалиски градови, во обид да ја преземе власта од актуелната сомалиска влада, која ја има поддршката од Запад.
