Министерството за здравство информира дека денеска Институтот за јавно здравје регистрирал 16 оздравени пациенти од кои во Скопје 7, Куманово 1, Тетово 3, Велес 1, Кочани 1 и Неготино 3. Во ГОБ „8 септември“ почина 65-годишна пациентка од Скопје примена на 11 мај, 71-годишен пациент од Скопје, хоспитализиран на 16 мај и 73-годишен пациент од Тетово, кој бил во болница од 11 мај. На Клиниката за инфективни болести и фебрилни состојби почина 41-годишен пациент од Прилеп, кој повеќе од 40 дена се лекувал на клиниката.
Во изминатите 24 часа направени се 512 тестирања, при што се регистрирани 19 нови случаи на Ковид-19 и тоа во: Скопје 11, Куманово 2, Прилеп 1, Тетово 1, Велес 1, Гостивар 1, Струмица 1 и Виница 1. Од сите тестирања во изминатото деноноќие, 223 теста се во рамки на скринингот во градинки и нема позитивни.
Вкупната бројка на ковид дијагностицирани од почетокот на епидемијата изнесува 1.858, бројот на оздравени лица е 1.367, на починати е 110, а во моментов се активни 381.
На Клиниката за инфективни болести и фебрилни во изминативе 24 часа примени се 5 нови пациенти, хоспитализирани се вкупно 46 пациенти. На кислородна поддршка се 20, на механичка вентилација се 2 пациента. Во ГОБ „8 септември“ примени се 27 нови, а вкупно хоспитализирани 25 пациенти. На респиратор се 2, a со потешка клиничка слика се уште 4 лица.
Во болницата во Битола се хоспитализирани 8, а на домашно лекување се следат уште 3 пациенти. Во болницата во Штип се хоспитализирани 6 пациенти, нема лица на домашно лекување. На инфективните одделенија во Тетово, Велес, Куманово, Охрид и Прилеп се хоспитализирани 49 пациенти, позитивни и сомнителни на Ковид-19.