Новата британска премиерка, Лиз Трас | Фото: Simon Dawson / No10 Downing Street, OGL 3, Викимедија комонс

Лиз Трас стана новa британскa премиеркa по поканата од кралицата Елизабета Втора на состанокот во Балморал, Шкотска, на 6 септември. Таа се соочува со предизвици кои вклучуваат енергетска криза и одржување на поддршката од јавноста за силниот одговор на Западот на руската инвазија на Украина, пренесе РСЕ на англиски јазик.

Таа посочи дека еден од нејзините први чекори ќе биде да ги „замрзне“ сметките за електрична енергија и другите трошоци преку план вреден над 115 милијарди долари.

Пред да ја напушти функцијата, сега екс-премиерот Борис Џонсон најави поддршка за Трас и рече дека рускиот претседател Владимир Путин е во „целосна заблуда“ ако мисли дека ќе му успее да „уценува и малтретира“ со снабдувањето со гас.

Пред Даунинг стрит бр. 10 за време на неговото последно појавување како премиер, Џонсон предвиде дека Обединетото Кралство ќе ја задржи „економската моќ за да им ги даде на луѓето парите што им се потребни за да ја пребродат оваа енергетска криза што е предизвикана од злобната војна на Путин“.