Нова силна детонација утринава се случи во близина на складиштето во северното кинеско пристаниште Тјанџин, каде минатата недела во серија експлозии загинаа 114 лица, а 70 исчезнаа.
Во извештајот се наведува дека после новата експлозија се подигнал бел чад. Издадена е наредба за евакуација на војниците кои се ангажирани во близина на местото на несреќната.
Во гаснењето на огинот во индустриската зона Тајнџин учествуваат повеќе од 1.000 пожарникари и над 1.500 војници.
Спасувачите вчера пронајдоа уште десет тела на настрадани во минатонеделните детонациите. Меѓу исчезнатите има и неколку десеттини пожарникари.
Кинеското Министерство за заштита на околината објави дека на местото на експлозијата се пронајдени цијанид и останати токсични хемикалии. Министерството наведува дека нивото на цијанид е осум пати поголем од дозволеното ниво во една од одводните цевки во погоденото подрачје.
Државната телевизија пренесе дека 698 лица за згрижени во болниците после експлозиите.
