Неколку дена по разорниот земјотрес во кој загинаа 507 лица, Еквадор го погоди уште еден земјотрес со јачина од 6,2 степени според Рихтеровата скала.
Епицентарот бил на 70 километри југозападно од крајбрежниот град Есмералдас, на длабочина од 10 километри.
Два силни потреси од 30 секунди ги разбудиле жителите, кои бегале од своите домови на улиците.
#Earthquake: M6.1 near the coast of Ecuador https://t.co/fSF7MOftSN #earthquake pic.twitter.com/SLn9zrMMMn
— EmgWatch Earthquakes (@emgw_earthquake) April 20, 2016
Властите сè уште не коментираат за предизвиканата штета од новите потреси.
Во земјотресот што го погоди Еквадор во саботата загинаа 507 лица, околу 4.600 се повредени, а речиси 100 лица се водат за исчезнати.
Министерот за одбрана, Рикардо Патињо, катастрофалниот земјотрес го нарече „најголемата трагедија во последните 60 години“.
