Невреме проследено со силен дожд, ветер и град денеска ја зафати Србија. Невремето ги погоди западните делови од земјата, но набрзо стигна и до Белград, објави српскиот сервис на Н1.
Први мети на невремето биле Горњи Милановац, селата Коштуниќи, Леушиќи, Теочин, општините Уб и Лајковац.
Силниот дожд и ветер во главниот град на Србија пристигнале по 14 часот, при што биле однесени покриви од куќи и згради, а биле откорнати и дрвја.
Српскиот Републички хидрометеоролошки завод утрово предупреди дека денеска во земјата е активиран црвено-портокалов метео аларм.
Во Белград паѓал град со големина на ореви, јавува Нова.рс.
Во повеќе делови од градот снемало струја, а градоначалникот Александар Шапиќ апелираше граѓаните да не излегуваат надвор.
Српските граѓани на социјалните мрежи објавуваат фотографии и видеа од паднати гранки и дрвја, поплавени улици и тунели.
Puno pozdrava iz Smokvice, Ada: pic.twitter.com/3tgt3Q2ogQ
— Kaldrmas (@Kaldrmas) August 5, 2023
View this post on Instagram
