Пожарот во светиниколско е локализиран, благодарение на локалните пожарникари, доброволните пожарникари и храбрите пилоти на полициските хеликоптери, информираше директорот на Центарот за управување со кризи (ЦУК), Стојанче Ангелов.
Тој додаде дека во моментов се врши проверка и догаснување на пожарот.
Станува збор за пожар кој се појавил денеска околу пладне во Кривчева река, а гореле сува трева и ниска вегетација.
Од ЦУК рекоа дека денеска до 15 часот и 50 минути имало вкупно 14 пожари на отворен простор. Од нив, активни се девет, и тоа во општините Прилеп, Гази Баба, Свети Николе, Дојран, Битола, Арачиново, Демир Хисар и Велес.
Денеска биле изгаснати вкупно пет пожари – во штипско, кумановско, во Карбинци, охридско Ново Село и Буково.
