Пет лица синоќа се повредени при експлозија на рачно изработена бомба на автобуска станица во центарот на Москва, соопшти денеска московската полиција.
– Почната е истрага против ваквото хулиганство – изјави портпаролот на московската полиција Максим Колосветов.
Според првичните информации од истрагата, експлозивот е фрлен или од автомобил или од некоја висококатница во близина, при што неколку лица се повредени. Експлозијата одекнала во дел од градот каде се наоѓаат голем број кафулиња и ресторани.