Руски воени авиони извршиле 41 лет во Сирија во последните 24 часа и гаѓале 40 мети на Исламска држава, соопшти руското министерство за одбрана.
– Руското воздухопловство уништи работилница во близина на Алепо, што терористите ја користеле за правење експлозивни направи за бомбаши-самоубијци – рече портпаролот на министерството за одбрана, Игор Конашенков.
Тој додаде дека милитантите планирале да употребат автомобили за поставување бомби за изведување терористички напади во Сирија.
Во близина на местото Храјтан прецизно се погодени и уништени складишта за оружје и за гориво, рече Конашенков.
Покрај тоа, во планинското подрачје на провинцијата Идлиб, авиони од типот „Су-24СМ“ гаѓале логори за обука. Во провинцијата Хама и Латакија се уништени складишта за оружје, а во близина на Деир ез Зора бомбардирани се командни позиции на Исламска држава, соопшти руското министерство.
