На денешниот Совет за надворешни работи на Европската унија, што ќе се одржи во Луксембург, ќе се разговара за ситуацијата во Република Македонија.
Според агендата, шефовите на дипломатиите на земјите од ЕУ, за нашата земја ќе разговараат со високата претставничка за надворешна и безбедносна политика на Унијата, Федерика Могерини, а по пладневниот состанок и со генералниот секретар на Обединетите нации, Бан Ки-мун.
Заклучоците што ќе ги донесе Советот на ЕУ, овој четврток и петок ќе бидат усвоени од шефовите на државите и на Владите на земјите-членки на ЕУ, на Самитот на Европскиот совет.
