Министерот за надворешни работи, Никола Попоски, в понеделник ќе се сретне со Викторија Нуланд, помошничка на државниот секретар на Соединетите Американски Држави задолжена за европски и евроазиски прашања, соопшти МНР.
За време на средбата, се наведува во соопштението, предвидено е да се разговара за досегашниот успешен развој на односите меѓу двете пријателски држави, втемелени во Декларацијата за стратегиско партнерство и соработка, како и за заемно истакнатиот интерес за нивно понатамошно унапредување во сите области од заеднички интерес.
Истовремено, се очекува да се потврди стратегиската определеност на нашата држава за членство во НАТО и во Европската унија, а воедно ќе се пренесе и благодарноста за американската поддршка за македонскиот интегративен процес, како и за препознавањето на исполнувањето на стандардите за членство во НАТО на Република Македонија, пишува во соопштението.