Германската канцеларка Ангела Меркел денеска соопшти дека нема законски лимит за бројот на лицата кои бегаат пред политичкиот прогон и бараат засолниште во нејзината земја.
Исто така, јасно стави до знаење дека луѓето кои немаат право на азил, мораат итно да се вратат во своите земји.
Во Германија е регистриран најголем број мигранти, во споредба со која било друга европска земја, а се очекува годинава таа бројка да достигне 800.000.
Германската канцеларка рече дека не може да се даде проста цифра колку бегалци може да вдоми Германија.
– Темелното право на азил од политички прогон не познава горна граница. Тоа, исто така, важи и за бегалците кои кај нас побегнале од пеколот на граѓанската војна – рече Меркел.
