Рускиот премиер Димитри Медведев изјави дека не се отфрла можноста дека терористички напад е причината за падот на рускиот авион во Египет, при што 224 лица го загубија својот живот.
– Можноста дека тоа беше терористички чин, очигледно останува евентуално објаснување за она што се случи – рече Медведев.
Како што наведе рускиот премиер, тоа е и причината да се донесе одлуката за суспендирање на руските летовите за Египет.
Медведев е првиот висок руски претставник кој не ја отфрли можноста терористички напад да е причина за падот на авионот.
Претседателот Владимир Путин во петокот нареди запирање на сите летови на руските авиокомпании за Египет од безбедносни причини, а забраната нема наскоро да биде укината.
– Потребно е време да се осигури безбедноста за руските граѓани повторно да можат да одат на одмор во Египет – рече Медведев и додаде дека руските власти и понатаму се ангажирани околу враќање на руските туристи од Египет.
Од петокот до денеска Русија со повеќе од 100 летови донесе околу 25.000 туристи дома.