Етничките Македонци од Албанија првпат зедоа учество на Националниот младински конгрес во Тирана.
Македонското малцинство беше претставено преку претседателот на Македонското друштво „Илинден“ од Тирана, Никола Ѓурѓај, и претседателот на разгранокот на Македонското друштво „Илинден“ во Голо Брдо, Ули Халилај.
На конгресот учествуваат 50 младински организации од целата територија на земјата, ангажирани во различни полиња.
Собирот претставува можност подобро да се запознаат младинските организации, како и да зајакне нивната соработка.
Конгресот се реализира со поддршка на Фондацијата „Фридрих Еберт“, додека од името на владата, официјално го поздрави заменик-министерот за образование и спорт на Република Албанија, Арбјан Мазнику.
