Либералната партија (ЛП) вчера формирала иницијативен одбор на партијата, кој веднаш почнал да работи на собранието на општинската организација во Битола. За претседател на одборот е избран Васко Стојковски, информираат од партијата преку писмено соопштение, насловено „Битола не смее да биде оставена на (не)милост од централната и локалната власт“.
„Во овој период ќе ја комплетираме партиската инфраструктура во градовите за новото темпо на активности на Либералната партија. Наша определба е економијата на прво место, подобро образование, правда за сите и еднаков пристап до можностите за сите граѓани и бизниси“, вели генералниот секретар на ЛП, Горан Николовски.
На вчерашниот состанок, како што соопштуваат од ЛП, било разговарано за состојбите со бизнисот, образованието, здравејто и со животната средина, туризмот и спортот и пограничната соработка во Битола, кои од партијата ги оцениле како загрижувачко лоши.
„Генерално, епилогот е неквалитен живот, а најперспективните млади ја напуштаат Битола и заминуваат во странство. Сите овие проблеми и потреби Либералната партија ги става во агенда на дејствување и ќе ги обработува посебно, тема по тема. Ова се дел од приоритетите на Либералната партија за изборите во 2016 година“, стои во соопштението на Либералната партија.