Кристијано Роналдо ја освои престижната награда на ФИФА „Златна топка“, со што беше прогласен за најдобар фудбалер за 2014 година. Кристијано Роналдо ги победи Германецот Мануел Ноер и Аргентинецот Лионел Меси. Ова за Роналдо е трета „Златна топка“ и со тоа ги достигна Јохан Кројф, Мишел Платини и Марко ван Бастен. Само Меси има добиено четири вакви награди по ред, од 2009 до 2012 година.
Претходно ФИФА и „Франсфудбал“ ги прогласија идеалниот тим, односно најдобрите 11 фудбалери на светот за 2014 година.
Во составот, на голманската позиција се најде германецот Мануел Ноер, а одбраната е составена од Бразилците Тијаго Силва и Давид Луиз, Германецот Филип Лам и од Шапнецот Серхио Рамос. Како најдобри фудбалери од средниот ред се избрани Анхел ди Марија, Тони Крос и Андрес Иниеста. За најдобри напаѓачи прогласени се Лионел Меси, Кристијано Роналдо и Арјен Робен.
Најмногу играчи, дури петмина, доаѓаат од шпанската Примера, а од англиската Премиер-лига само еден – Анхел ди Марија. Од италијанската Серија А нема ниту еден претставник во идеалниот тим на ФИФА.
