Администрацијата на претседателот на САД, Барак Обама, призна дека направиле грешка што на маршот во Париз не испратиле претставник на САД со повисок ранг од нивниот амбасадор во Франција, пренесе  „Си-Ен-Ен“.

– Мислам дека и самиот Обама би сакал да присуствува на маршот доколку околностите беа поинакви. Планот за одржување на маршот почна во петокот вечерта, 36 часа пред одржување на маршот, и безбедносните служби немаа доволно време да го обезбедат местото за да може претседателот да присуствува – рече Још Ернест, портпарол на Белата куќа.

Тој додаде дека присуството на Обама, исто така, би значело дополнителни ограничувања за луѓето кои биле на маршот.

„Си-Ен-Ен“ јави дека САД, сепак, имале повеќе опции кого да испратат на маршот. Претседателот Обама во неделата бил во Белата куќа и на неговата агенда немало никакви јавни настапи.  Потретседателот Џо Бајден викендот го поминал дома во Делавер, исто така со празна агенда. Јавниот обвинител, Ерик Холдер, за време на маршот бил присутен во Париз на неколку безбедносни состаноци, но не присуствуваше на маршот.

Обама минатата недела ја посети француската амбасада во Вашингтон, каде се потпиша во книгата на жалост, а државниот секретар Џон Кери ќе допатува во Париз в петок.