Коалиционите и ирачките авиони денеска го гаѓале комплексот палати во Тикрит, во кој се наоѓаат припадници на екстремистичката Исламска држава, соопшти портпаролот на Министерството за одбрана, Тахсен Садик.
– Ирачките воздушни сили, заедно со коалиционите сили, извеле воздушен напад врз претседателската палата во која се наоѓа седиштето на лидерот на ИД – рече Садик.
Портпаролот на Пентагон, полковник Стивен Ворен, изјави дека доцна синоќа САД покренале воздушни напади на градот Тикрит како поддршка на ирачките сили кои се борат за враќање на контролата врз градот кој сега го држи ИД.
