Преку законски измени, ќе се унапредува системот за превенција од насилство, во делот на постапување со службено оружје од страна на службени лица, истакна денеска портпаролот на Владата, Александар Ѓорѓиев. Тој рече дека на вчерашната седница Владата донела заклучоци со кои на ниво на закони ќе бидат предвидени конкретни одредби што ќе треба да бидат следени од сите институции и од раковидниот кадар во нив. Министерствата за внатрешни работи, за одбрана, за земјоделство и за правда се задолжени во рок не подолг од 20 дена до Владата да достават измени во поголем број соодветни материјални закони, кои го уредуваат нивното работење.