Втора стручна комисија ќе формира Министерството за здравство за да направи нова, подетална анализа, дали сите здравствени работници, почнувајќи од матичниот лекар, дежурниот лекар во Поликлиниката „Јане Сандански“, па до тие на Клиниката за инфективни болести, постапиле правилно во лекувањето на 12-годишното девојче што почина без конечна дијагноза.
Од Министерството за здравство велат дека првата стручна комисија, која веќе го анализирала случајот, утврдила дека сите здравствени работници постапиле според медицината базирана на докази, но поради брзата прогресија на симптомите, влошување на состојбата и фаталниот исход, а, пред сè, и поради тоа што се работи за млад живот, министерот за здравство побарал формирања на уште една стручна комисија, за уште еднаш да се испита случајот и да се споредат наодите.
