fbpx

Кампањата „Ние сме Европа“ ќе ги промовира придобивките од брзото членство во ЕУ

Во Скопје, Струмица, Охрид, Прилеп, Тетово, Штип и во Куманово ќе бидат организирани тематски настани, со кои ќе се покријат најважните теми, кои ги интересираат граѓаните

-

Под мотото „Ние сме Европа“, Владата и Секретаријатот за европски прашања, од 30 Август до крајот на септември ќе спроведат кампања во осум градови во земјата посветена на приближување на целта за влез во ЕУ до граѓаните, најави денеска вицепремиерот за евроинтеграции, Бојан Маричиќ.

Во Скопје, Струмица, Охрид, Прилеп, Тетово, Штип и во Куманово ќе бидат организирани тематски настани, со кои ќе се покријат најважните теми, кои ги интересираат граѓаните.

„Целта на овие настани е да им ги претставиме на граѓаните придобивките од брзото членство во ЕУ, неопходните реформи кои треба да ги направиме и начините како членството ќе го зајакне нашиот идентитет, јазикот, посебноста, развојот и мултиетничкиот карактер на земјата“, рече Маричиќ.

Првиот настан од кампањата ќе биде организиран во Скопје на 30 август, ќе го отвори премиерот Димитар Ковачевски и ќе се зборува на тема економија. Во Струмица ќе се дискутира за социјалните прашања, во Прилеп за земјоделие, во Битола за култура, во Охрид за туризам и животна средина, во Тетово за млади, во Штип за инфраструктура и во Куманово за енергетика.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

На вебинар за „сајбер чистка“ ќе дознаете како да се брише „дигиталната прашина“

Живееме во време кога да се одржува сајбер хигиена е исто како да се одржува лична хигиена. Taa мора редовно да се одржува, а веќе кога ќе премине во...