Министерот за одбрана, Зоран Јолевски, при денешната посета на границата со Грција истана дека јужната граница е делумно отворена за протек на мигрантите низ нашата земја и добро е обезбедена од безбедносните полициски сили на кои им помагаат полицајци од неколку европски земји и припадници на АРМ.
Но, тој додаде дека доколку во следниот период бројката на мигранти се зголеми во камповите во Грција кај Идомени и Поликастро, можно е со одлука на врховниот командант да биде зголемен и бројот на војници стационирани во областа на Гевгелија.
– Се надевам дека состанокот што ќе се одржи во Брисел в понеделник, ќе даде одредени резултати бидејќи, како на Грција, така помош им треба на сите земји поради што решението треба да биде донесено со заедничка стратегија и политика – изјави Јолевски.
