Компанија од Швајцарија поднесе кривична пријава против Т.Ц. (25) од Македонска Каменица поради постоење основи на сомнеж дека сторил кривично дело „затајување“.
Имено, на 31 јули 2015 година, пријавениот од компанија во Швајцарија за користење изнајмил автомобил „ферари“ и склучил договор за изнајмување на возилото од 31 јули до 10 август 2015 година. Според договорот, возилото требало да го управува на територијата на Австрија, Швајцарија и на Германија, но спротивно на договорот, пријавениот не го вратил возилото во определениот рок и со истото дошол во Република Македонија и покрај тоа што немал право да го управува на територијата на Република Македонија. Со кривичното дело пријавениот противправно за себе го присвоил возилото што му било доверено на користење, причинувајќи штета на компанијата поголема од 70.000 евра.
