Викендичка вчера изгоре во близина на Штип, откако била зафатена од пожар кој избил во нејзина близина, соопшти МВР.
Од засега непознати причини, се запалила тревата во близина на викендичката, сопственост на 64-годишниот штипјанец И.Н., а потоа пожарот ја зафатил и покривната конструкција на куќата, која целосно изгорела. Пожарот бил изгаснат од екипа на ТППЕ-Штип.
Увид на местото на настанот извршила увидна екипа од СВР-Штип. Се работи на целосно расчистување на случајот.
