Меѓународната хуманитарна организација „Лекари без граници“ нема повеќе да ја прифаќа финансиската помош од Европската Унија и од земјите членки во знак на протест поради нејзината политика кон мигрантската криза.
Во соопштението на организација се наведува дека во знак на протест поради „срамната политика на заплашување и на засилените напори за да се одвратат луѓето од европскиот брег“, „Лекари без граници“ нема да примаат донации од ЕУ. Организацијата се противи на договорот меѓу ЕУ и Турција за запирање на бранот бегалци.
Минатата година „Лекари без граници“ од институциите на ЕУ и од земјите членки доби 56 милиони евра.
