Претседателот на Македонија, Ѓорге Иванов, од денеска е во дводневна официјална посета на Црна Гора.
Тој ќе оствари средби со претседателот на Црна Гора, Филип Вујановиќ, со претседателот на Собранието, Ранко Кривокапиќ, и со премиерот Мило Ѓукановиќ.
Иванов утре ќе учествува на бизнис-форум за презентација на инвестициските можности во Македонија и за зајакнување на економската соработка меѓу двете земји.