На отворањето на 21. Самит за климатски промени, што се одржува во Париз, од денеска до 11 декември ќе учествува претседателот на Македонија, Ѓорге Иванов.
Како што соопштија од претседателскиот кабинет, Иванов ќе се обрати на главната сесија на лидерскиот сегмент на Самитот за климатски промени. Самитот ќе биде свечено отворат од претседателот на Франција, Франсоа Оланд, и генералниот секретар на ОН, Бан Ки-мун.
На парискиот самит за климатски промени се очекува првпат по 20 години преговори во ОН, да се усвои правно обврзувачки меѓународен договор за борба против климатските промени, чија цел e глобалното затоплување да не биде поголемо од 2 Целзиусови степени.