Денеска, во рамки на посетата на Брисел, претседателот на Република Македонија, Ѓорге Иванов, ќе се сретне со генералниот секретар на НАТО, Јенс Столтенберг, со кого се очекува да разговара за интеграцијата на Македонија во Европската унија и во НАТО, како и за актуелните состојби поврзани со мигрантската и со бегалската криза.
Иванов вчера во Брисел оствари средба со потпретседателот на Европската комисија, Франс Тимерманс, на која се осврнаа на предизвиците со кои се соочува земјата поради мигрантската криза, како и на актуелната безбедносна состојба на европскиот континент.
Македонскиот претседател го информираше Тимерманс дека од почетокот на кризата земјата се потпира на сопствени ресурси, додека помошта од Европската унија изостанува, а во таа насока Иванов од европскиот челник побара неодложна техничка и финансиска помош за Македонија.