Иранскиот врховен лидер, ајатолахот Али Хамнеи, денеска изјави дека официјален Техеран нема да прифати преговори за иранската нуклеарна програма под закана.
– Преговарање за нуклеарната програма на Иран со светските сили, во сенка на закана е неприфатливо за Техеран. Нашата нација тоа нема да го прифати – рече Хамнеи за иранската телевизија „Прес ТВ“.
Изјавата на ајатолахот доаѓа во време кога иранскиот врв и светските сили се обидуваат да постигнат краен договор за нуклеарната програма на Иран.