Здружението „Епилепсија Македонија“ во соработка со Лигата за борба против епилепсија денеска по повод Светскиот ден за борба против епилепсија (Виолетов ден) организираат хуманитарен настан под мотото „Различни, а сепак исти“.
Во рамки на Виолетовиот ден, кој е посветен на напорите за зголемување на свеста за епилепсијата во светот, се организираат настани на плоштадот „Македонија“, во „Скопје сити мол“, како и на градскиот плоштад во Прилеп.
Во „Скопје сити мол“ ќе се одржи едукативно предавање за епилепсијата и проблемите на лицата со таа болест, а поддршка на настанот ќе дадат повеќе артисти со свои настапи.