Четири лица настрадаа во близина на пистата на аеродромот Јао во Осака, на западот на Јапонија откако се урна мал авион, јавуваат локалните медиуми.

На телевизиските снимки од Јапонија се гледа дека авионот е тешко оштетен, а врвовите на крилата се скршени.

Официјален претставник на противпожарните служби соопшти дека четирите лица кои се наоѓале во авионот се мртви, но дека нема настрадани лица кои се наоѓале на земјата.

Јапонските медиуми пренесуваат дека авионот „муни М20ц“ полетал од Кобе и се обидел да слета на аеродромот во Јао.