Средното музичко училиште „Сергеј Михајлов“ од Штип организира хуманитарен концерт за помош на семејствата на полицајците што загинаа во неодамнешната акција во Куманово.
На концертот, што ќе се одржи в четврток, на 21 мај, ќе настапат ученици и нивните професори, кои ќе се претстават со изведба на композиции од класичната и од популарната музика, како и со сопствени рецитали посветени на македонските бранители.
Цената на влезницата е 100 денари, но секој посетител, дополнително, може да донира и повеќе средства, односно да плати и поголема сума за билетот со што го зголемува и фондот за поддршка на бранителите.
Организаторот упати апел до штипјани да ја исполнат салата во Домот на културата до последното место за да се оддаде почит на загинатите полицајци и да им се даде поддршка на нивните семејства.
В.К.