Американскиот заменик-помошник државен секретар Хојт Ји го повтори повикот до македонските власти да се справат со случајот со прислушувањето, како и повикот до опозицијата да се врати во Собранието, објави „24 Вести“ .
„Ги поддржуваме аспирациите на Македонија за членство во НАТО и во ЕУ. Ја повикуваме Владата да се справи со прислушуваните материјали на начин кој ја покажува посветеноста на евро-атланските принципи. Со новата влада во Атина, ги поттикнуваме двете страни да постигнат заемно прифатливо решение на спорот за името – изјави Ји на седница на Комисијата за надворешни работи на американскиот Претставнички дом.